Henri Cartier-Bresson

Henri Cartier-Bresson
Vida
Nacimientu	Chanteloup-en-Brie[1], 22 d'agostu de 1908[2]
Nacionalidá	Francia [3]
Muerte	Montjustin[1], 3 d'agostu de 2004[4] (95 años)
Sepultura	Cimetière de Montjustin (en)
Familia
Casáu con	Ratna Mohini (1937 – 1967) Martine Franck (1970 – 2004)
Estudios
Estudios	Liceo Condorcet (es)
Llingües falaes	francés[5]
Alumnu de	André Lhote Jean Cottenet
Oficiu	fotógrafu, fotoperiodista, periodista, direutor de cine, pintor
Participante Documenta 6 (es) Postwar European Photography (en) foto '37 (en)
Premios	ver Premio internacional de la Fundación Hasselblad  (1982) [6] Premio Lucie  (2003) [7]
Miembru de	Academia de les Artes y les Ciencies d'Estaos Xuníos
Movimientu	fotografía humanista (es)
IMDb	nm0142035
magnumphotos.com…

Henri Cartier-Bresson (22 d'agostu de 1908, Chanteloup-en-Brie - 3 d'agostu de 2004, Montjustin nos Alpes-de-Haute-Provence) yera un fotógrafu francés y, con Walker Evans, Brassaï, Kertész y munchos otros, un pioneru del fotoperiodismu. Munches veces faise referencia a él coles tres iniciales HCB.

Con Robert Capa, David Seymour, William Vandivert y George Rodger, funda en 1947 la nomada axencia cooperativa Magnum Photos. En 2003, a la edá de noventa y cinco años (un añu anantes de la so muerte), una fundación que lleva'l so nome foi creada en París p'asegurar la conservación y la presentación de la so obra y tamién pa caltener y esponer a los fotógrafos colos qu'él se sentía cercanu.

Conocíu pola precisión y el grafismu de les sos composiciones, algamó sonadía nos reportaxes de calle, la representación de los aspectos pintorescos o significativos de la vida cotidiana. Ye l'inventor del conceptu del « instante decisivu », que ye tamién el títulu de la esbilla onde espón la so definición de la fotografía publicáu en 1952 con una portada de Matisse.

Pa dellos críticos, ye una fígura mítica de la fotografía del sieglu XX, al que la so lonxevidá-y permitió atravesar, llevando la so mirada sobre los elementos que marcaron la so historia. Unu de los sos biógrafos (Pierre Assouline) dixo asina d'él que yera'l « güeyu del sieglu ».

A lo llargo de la so carrera, tuvo la oportunidá de retratar a personaxes de la talla de Pablo Picasso, Henri Matisse, Marie Curie, Édith Piaf, Fidel Castro y Che Guevara.Cartier-Bresson foi'l primer periodista occidental que pudo visitar la Xunión Soviética depués de la muerte de Josif Stalin.

1. ↑ ^{1,0 1,1} «Expediente de personas fallecidas». Consultáu'l 24 setiembre 2021.
2. ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 1000. Data de consulta: 4 avientu 2019. Llingua de la obra o nome: inglés.
4. ↑ URL de la referencia: http://news.bbc.co.uk/2/hi/entertainment/3536724.stm.
5. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
6. ↑ URL de la referencia: https://www.hasselbladfoundation.org/wp/hasselblad-priset-2/award-winners/. Data de consulta: 19 marzu 2022.
7. ↑ URL de la referencia: https://www.lucies.org/honorees/henri-cartier-bresson/. Data de consulta: 30 payares 2020.